www.gujaratindia.com - Official Portal of Gujarat Government

સમગ્ર
ગુજરાત વિષે

મુખપૃષ્ઠસમગ્ર ગુજરાત વિષેગુજરાત પ્રવાસનહિલ સ્‍ટેશન અને પ્રવાસન ક્ષેત્રો

હિલ સ્‍ટેશન અને પ્રવાસન ક્ષેત્રો


ગુજરાત પ્રવાસન ક્ષેત્ર પશ્ચિમનું ઘરેણું છે.
ગુજરાત તેના સમૃદ્ધ ઇતિહાસ, ભવ્ય પરંપરા, ગૌરવપૂર્ણ વારસો , ઉજ્જ્વળ સંસ્‍કૃતિમાટે જગપ્રસિદ્ધ છે. ગુજરાતમાં હિન્‍દુ, ઇસ્‍લામ અને યુરોપિયન સંસ્‍કૃતિની ઝાંખી જોવા મળે છે. દુનિયા સાથે તાલમેલ બેસાડતું ગુજરાત પ્રવાસન ક્ષેત્રે વિશ્વ પ્રવાસીઓને આકર્ષીને વિકાસની હરણફાળ ભરી શકે છે.

ગુજરાત સરકારે સાપુતારાને એક હરિયાણું પ્રવાસન ક્ષેત્ર બનાવીને પોતાની ઇચ્‍છા શક્તિ બતાવી છે.

સાપુતારાનો વિસ્‍તાર ૧૦૦૦ મી. છે અને તે દક્ષિણ ગુજરાતના ડાંગ જિલ્‍લામાં આવેલો છે. જે સુરત શહેરથી નજીક છે. અહીં શ્‍યારી પર્વત શૃંખલા સૌથી ઊંચી છે અને તે ઠંડક અને પ્રાકૃતિક આનંદ આપે છે.


સાપુતારાના ગીચ જંગલોમાં રહેતા આદિવાસીઓ તેમના વિશિષ્‍ટ નૃત્‍ય માટે ખાસ જાણીતા છે. સાપુતારાને એક ગિરીમથક તરીકે તેનો વિકાસ કરવામાં આવી રહ્યો છે. જેમાં હોટલો, બગીચા, સ્‍વીમિંગ પુલો, બોટ કલબ, નાટ્યગૃહો અને સંગ્રહાલયનો વિકાસ કરવામાં આવી રહ્યો છે. તે રજાઓના દિવસો માટે એક સુંદર અને આહલાદક પ્રાકૃતિક અનુભૂતિ કરાવતું પ્રવાસનક્ષેત્ર બની રહે છે.

ગુજરાતના દરિયા કિનારે ઘણા હિલ સ્‍ટેશન આવેલા છે. તિથલ, ભુલેશ્વર, સુરત, ચોરવાડ, જુનાગઢ જીલ્‍લાને ગુજરાત સરકાર દ્વારા પર્યટન સ્‍થળો બનાવવા માટેની યોજના છે. પાવાગઢની શૃંખલા અને તુલસી-શ્‍યામ તેના ગરમ પાણીના ઝરણા અને ગીર તેના જંગલોને કારણે પ્રખ્‍યાત છે.

મુખ્‍ય પ્રવાસન ક્ષેત્ર તરીકે ઉદયવાડા, વલસાડને વિશ્વ શાંતિ અને સહિષ્‍ણુતાનું પ્રતીક બનાવવામાં આવી રહ્યું છે.

ગુજરાતમાં ઘણા પ્રવાસન ક્ષેત્રો આવેલા છે. અમદાવાદમાં આવેલો ગાંધી આશ્રમ વિશ્વ પ્રવાસીઓનું મુખ્‍ય આકર્ષણ છે. જે ઘણા પ્રવાસીઓને તેની તરફ ખેંચી લાવે છે.

ગુજરાતના કેટલાક પ્રવાસન ક્ષેત્રો :
ધાર્મિક ક્ષેત્રો જેવા કે દ્વારકા, સોમનાથ, પાવાગઢ, અંબાજી, ભદ્રેશ્વર, શામળાજી અને તારંગા પાલિતાણાના જૈન મંદિર અને ગીરનારના જૈન મંદિરો
સ્‍થાપત્‍ય કળાના નમૂના પાટણ, સિદ્ધપુર, ધુમલી, દભોઇ, વડનગર, મોઢેરા, લોથલ અને અમદાવાદમાં આવેલા છે.
દરિયાકિનારા અમદાવાદ, માંડવી, ચોરવાડ તથા તિથલમા આવેલા છે.
સાપુતારા ગિરી મથક
ગીરમાં સિંહનું અભ્‍યારણ અને કચ્‍છમાં ઘુડખરનું અભ્‍યારણ
ગાંધીજીનું જન્‍મ સ્‍થાન પોરબંદરમાં કિર્તિ મંદીર અને તેમનો હરિજન આશ્રમ તથા હ્યદયકુંજ અમદાવાદમાં આવેલ છે.

GSWAN Gujarat Tourism Vibrant Gujarat India.gov.in Apply for PAN Card Online